امثال اماراتية

هلا والله ..


اللي ما يعرف الصقر يشويه

الفرس من خيالها ، والحرمة من ريّالها.

سيل ما يبلك ، ما يهمــك

القطو العود ما يتربى

الشيفه شيفه ، والمعاني ضعيفه

لو كان فيه خير .. ما رماه الطير

اللي في القدر تطلعه الملاس

حلاة الثوب رقعته منه وفيه

الطول طول نخلة ، والعقل عقل اصخلة

من طلع من داره قل مقداره

سم الرياييل باسميها عن تاكلك باثاميها

لو كل من يا ونجر ما تم في الوادي شجر

البعد بعد القلوب موب بعد الدروب

من طول الغيبات ياب الغنايم

عندك تاكل قال لأ ، عندك تغرم قال هيه

تموت الديايه وعينها على السبوس

الفضول قتل العيوز

ردت حليمة لعادتها القديمة

إذا ما طاعك الزمان طيعه

عدوك موب من قال فيك ، عدوك من بلغك

اللي يبينا عيّت النفس تبغيه ، واللي نباه عيّا البخت لا يجيبه

للبحر له ناس لفيحه .. يعرفون التوح من اليره
موب كل من تاح سريحه .. قال هذا خيط وبيّره

الضرب في الميت حرام

بو طبيع ما ايوز عن طبعه

نوم الظالم عباده

يموت الزمار وايده تلعب

اللي يبا الصلاة ما تفوته

أنا واخويه على ابن عمي ، وأنا وابن عمي على الغريب

العلم في الصغر مثل نقش في الحجر ، والعلم في الكبر مثل نقش في المدر

حاسدين الفقير على موتة اليمعه

أذنك من وين يا جحا ؟

شاور حرمتك واعصاها

لا تصيح على بوك لي مات ، وصيح على عصر الجمعة لي فات